باژێرەک هەبوو یێ ڤەدەر بوو ژ ئەردی, و یێ دەوردای بوو ب دیوارەکی بلنداهیا وی ب نێزیکی ٤٠٠٠ متران بوو.
باژێرژ بوخیریان یێ تژی بوو .
ژ ئەگەرێ دوکێلێ ل هەمی جهان, عەور ل ئەسمانی دروست دبوون.
دوکێل, دوکێل, ژ سپێدێ هەتا کو شەڤێ.
ئەو خەلکێ ل باژێرێ بوخیریان دژین دناڤ دوکێلەکا رەش دا هاتبوونە ئاسێ کرن.
و وان چ تشت دەربارەی ئاسمانێ شین نە دزانی.
وان چ تشت دەربارەی ستێرێن بریسقەدار دنە زانی.
باژێر ل ناڤەراستا ڤیستەڤالا هەلاوینێ دا بوو.
ژ ئەگەرێ هلکرنا وان شەمالکان بو دویر ئێخستنا روحێن نەباش, باژێرژ هەر جار پتر بوو دوکێل.
روژەکێ,
دەمێ بورینا زەلامەکێ گەهاندنا تشتان دناڤ ئەسمانێ شەڤێ دا ژ دوکێلێ د خەندقیت.
ئەودلێ کو پێدڤی بوو بگەهینیت ئەو ب خەلەتیڤە د ئێخیت.
دگەل دیتنەکا هوسا شێلی, چ رێک نە بوون ئەو بزانیت کا وی ئێخستیە کیڤە.
زەلامێ گەهاندنا تشتان بلەز دەست ژێ بەردابوو و بو ناڤ شەڤێ غاردابوو.
دەنگێ لێدانا دلی بهێز لێددا, لێدانا دلی یا بهێز.
دلی خو لجهەکی باژێرێ بوخیریان لێددا.
دل کەتبوو سەر کومەکا گلێشی ل رەخێ باژێری.
ئەو دلێ خو لێددا هەمی جورێن گلێشی مانە پێڤە و پێڤە نیسیان, هەتا کو زەلامەکێ گلێشی ژێ چێبووی.
سەرێ وی سێوانەکا کەڤنا نە رێک و پێک بوو, و هس هسا غازێ ژ دەڤێ وی دەردکەفت.
زەلامەکێ گلێشی یێ گەلەکێ پیس بوو, و بێهنەکا گەلەک نەخوش ژێدهات.
دەمێ ئەو گوهێت خو ڤەدکەت, ئەو دشێت دەنگێ زەنگان ل دویراتێت دویر گوهـ لێببیت.
بو وی دیار بوو کو هندەکێن دی ژبلی وی یێل وێرێ هەین.
زەلامێ گلێشی کوما گلێشی بجهـ هێلا.
دەمێ ئەو گەهشتیە باژێری, دیت کو یا تژییە ژ درندان.
هێییی تە ب تمامی ب شێوەیەکێ جیاواز کارێ خو یێ کری.
ئەو لپشت خو زڤری و دیت کو کولندێ درندە لپشت وی یێ راوەستیای بوو.
تو کی؟
ئەز گوریێت ئاگری دادعیرم و شەڤا هالوینێ ب روناهیەکا نەدیار رون دکەم.
ئەز فانوسا (جاک)م.
هەمی جورێن درندان ل دەوروبەرێت زەلامێ گلێشی کومبوون.
ها ها ها ها ئەز سێربەندم کونترولێ لسەر شەڤێ دکەم و ترسێ ددلێ هەمی یا دا دروست دکەم.
ئەز درندەکم زانایەکێ خراب ئەزێ دروست کریم, ناڤێ من بەرێز فرانکنشتاین.
ئەز زومبی مە, منا ژبیر کری کا چاوا بمرم.
هەمیا دەست ب پرسیارکرنێ کر:
و تو ژ کیژ دنیایێی؟
ئەز زەلامێ گلێشی مە
هەمی درندان گەلەک پێ کرە کەنی.
زەلامێ گلێشی چوو دگەل درندان و ل مالا گەریان و دکرە هەوار.
فێلبازی یان شریناهی, فێلبازی یان شریناهی, شریناهیا بدەنە مە یان دێ فێلبازیا ل هەوە کەین.
و هوسا شریناهی ژ مەزنان وەرگرتن.
و پاشی بالون لسەر زاروکان بەلاڤ کرن.
بالونێت زەلامێ گلێشی گەلەک بلەز بلند دبوونە دناڤ هەوایدا کو زاروک گەلەک پێ دلخوش بوون.
باشە, زەلامێ گلێشی دا بچینە مالا برەخڤە.
درندە ل هەمی جهان د گەریان و بەریکێت وان ژ شریناهیان تژی بوون.
زەنگا دەمژمێرێ لێدا, و هەمیا خو ئامادەکر کو بزڤرنە مال.
زەلامێ گلێشی گوتە ئێک ژ وان.
هالوین یا خوشە دا سباهی ژی بکەینە ڤە.
ئەڤە تو چ دبێژی زەلامێ گلێشی هالوین بتنێ ئەڤرویە.
دگەل ڤێ چەندێ هەمیێ, درندان ماسکێن خو ژبەر خو کرن.
کورکێ بچیک ئەنتونیو ژ کولندی هاتە دەر.
و کچکا بچیک ریبیکا ژ ماسکێ سێربەندێ هاتە دەر.
وان بتنێ وەکی درندان کارێ خو کربوو.
زەلامێ گلێشی تە خێرە توژی ماسکێ خو بێخە.
ئەرێ, تو حەز ژ ڤی جلکێ پیس ناکەی, مانە؟
ریبیکایێ پێکول کرن کو سەرێ زەلامێ گلێشی ژبەر بکەت.
ئو!
ئوووههههـ!!
ریبیکایێ ب دەنگەکێ بلند هەوار کر:
ماسک لبەر ڤی مروڤی نینە !.
کورک زویکا ژ دەوروبەرێت زەلامێ گلێش رەڤین.
درندو ژ ڤێرێ هەرە!.
ژ باژێری ب دەرکەڤە زەلامێ گلێشی, هەرە دناڤ دەریایدا.
کورکا ئاخفتنێت کرێت و نەجوان ئێک لدویف ئێکێ گوتنێ.
و دەنگوباسێن زەلامێ گلێشی ب شێوەیەکێ بلەز دناڤ باژێری دا بەلاڤ بوو.
ئەو زەلامەکێ گلێشییە.
درندەک یێل ناڤ باژێری دا هەی.
هەر دەمێ زەلامێ گلێشی پێکول کربان کو باخڤیت, ئەو دا ڤێ چەندێ گوهـ لێبیت.
هەرە هێڤە زەلامێ گلێشی, دێ بێهنا تە ژمن هێت.
زەلامێ گلێشی لسەر مێزێ رینشە خوارێ, و دەنگێ هس هسێ و بێهنەکا گەلەکا نەخوش دگەل هەناسەدانا وی دهات.
و پاشی ئەو چێبو ئەوا چێبووی.
ئانکو توی زەلامێ گلێشی یێ هەمی دەربارەی تە د ئاخڤن. من گولێ ببو کو ئەو نە ماسکە لبەر تە.
دەمێ ئەو زڤری وی کورکەک دیت ژ سەری هەتا تبلێن پێی ژ تەنیێ یێ رەش بوو.
ئەو کورکە نە رەڤی هەتا کو زانی ژی کو ئەو زەلامێ گلێشیە.
ئەز لوبیتشی مە, پاقژکەرێ بوخیریا. و تو کی؟
ئەزززز!
ئەگەر تە چ ناڤ نەبن, پێدڤیە تو ئێکی بخو بدانی. دا بوتە سەحکەینێ…
چنکو لدەمێ هالوینێ تو دەرکەتی, ناڤێ تە دێ کەینە, پوپلێ هالوینێ.
پوپلێ هالوینێ تو لڤێرێ چ دکەی؟
کەس یاریا دگەل من ناکەت.
هاهاهاها لوبیتشی کرە کەنی, دەمێ پوپلی ئەڤ تشتە گوتی.
بێگومان پوپل تو گەلەکێ پیسی و هەروەسا بێهنا تەژی گەلەکا نەخوشە.
لوبیتشی تو چەوا دشێی وەبێژی؟ توژی تەنی و یێ پیسی.
باشە, ئەز یێ ژ شولی دچمە مال, وەکی تو دبینی ئەز هەمی یێ بویمە تەنی.
ما پاقژکرنا بوخیریا نە کارێ مەزنایە؟
بابێ من یێ چوویە بەر دلوڤانیا خودێ, ڤێجا لسەر من پێدڤیە ئەز کارکەم.
هەروەسا چ پێنەڤێت کەس حەز ژ تە ناکەت, ب ڤێ بێهنا پیس, تو بوچی ل باخچێ مالا مە سەرێ خو ناشوی؟
چەوا ؟ ئەز دشێم وەبکەم؟
پێدڤیە بەری ئەز بچمە ژوور ئەز خو بشوم, توژی دشێی ل وێرێ خو بشوی.
لوبیتشی تو بوچی وەکی کەسێن دی من پشت گوهـ نائێخی؟
بێهنا تە نە یا غەریبە بو من, ئەز بێژم پەنتەرونێ من یێ کەڤنێ پیس ژی دێ دناڤ وی گلێشی دابیت.
لوبیتشی هەمی جهێن لەشێ پوپلی پاقژکرن.
هەمی پیساتی ژێ کەتن. هەتا بێهنا وی گەلەک باشتر لێهاتی.
سوپاس لوبیتشی.
هممم… لێ بێهنا دەڤێ تە هێشتا یا نە خوشە, هەناسا خو ب دەرێخە ژ دەرڤە پوپل.
پوپل رابوو ب دەرێخستنا هندەک هەوای ژ دەڤێ خو.
ها ها ها, ئەڤ بێهنە گەلەکا نەخوشە. پوپل ئەڤە بێهنا غازێیە, و پاقژکرنا ب فرچەی چ مفای نا گەهینیت.
هەتا درەنگی شەڤ هەردوکا پێکڤە یاری کرن.
لوبیتشی ئەرێ تە یاری دگەل زەلامێ گلێشی دکرن؟
چنینە دادێ پوپل کەسەکێ خراب نینە.
تە ئەڤ زانینخوازیە(فزولی) یا ژ بابێ خو وەرگرتی.
بابێ لوبیتشی ماسیگرێ ئێکانە بو ل باژێری, لێ ل زڤستانا پار لدەمێ پێل ب سەر دا هاتی وی ژیانا خو ژ دەست دا بوو.
تشتێ بتنێ یێ کو وان دیتی بەلەما ویا تێک چووی بوو.
خەلکێ وی باژێری وەسا هزر دکر کو درندە یێ د دەریاییدا هەین لەورا چوونا وێرێ قەدەغە کربوو.
خەلکێ باژێری دگوت ئەو بخو بو ئەگەرێ مرنا خو.
دادێ بێژە من تە حەز ژ چ دکر دەربارەی بابێ من؟
بابێ تە گەلەکێ شەرمین و سەرنج راکێش بوو, تەژی هوسا هزر نەدکر؟ دەمێ ئەوێ کەیفخوش وی هوسا بن دفنا خو د خوراند.
روژا دویفدا, لوبیتشی و پوپل چوونە سەر بوخیریا.
ئەزێ دترسم لوبیتشی.
تو دێ یێ ب سلامەت بی بتنێ خو لاو بگرە, بەس کەش و هەوا توزە ڤێجا چ تشتا نە ئێخی .
ئەرێ تە تشتەک ئێخستیە؟
بەلێ رستکەکا زیڤی و وێنێ بابێ من پێڤە من یا ئێخستی.
من بەس ئەو وێنێ بابێ خو هەبوو, من ل هەمی جهان لێگەریا بەلێ من نەدیت.
لوبیتشی دەستێ خو درێژ کرە جهێ سولینان.
من ل جهێ وێ سولینێ ئێخست بوو.
بێژە من پوپل ئەرێ تو دزانی ستێر چنە؟
ستێر؟؟
ئەڤ باژێرە خر دوکێلە, مانە راستە؟ ئەم نەشێین ببینین, بەلێ لسەر ڤێ دوکێلێ دا هندەک بەرێن بریسقەدار یێن هەین دبێژنێ ستێر.
نە بتنێ ئێک یان دوو بەلێ هزار یان دەهـ هزار یان پتر ژی.
ئەڤ ئاخفتنە گەلەکا نە بەر عاقلە, تو یێ درەوا دکەی مانە؟
بابێ من ئەو ستێرە دیتبوون, دەمێ ئەو گەلەک ژ ئوقیانوسی دویرکەتی و ئەو دوکێلا ل ئەسمانی هەمی نە مای.
و ل بوشایێدا ب هزاران ستێرێن بریسقەدار هەبوون.
کەسێ ل باژێری باوەر ژ بابێ من نە دکر, هەتا مری ژی دگوتێ درەوین.
بابێ من گوتە من کو لسەر دوکێلێ دا ستێر یێت هەین, و وی گوتە من کا دێ چاوا شێم ستێرا بینم.
لوبیتشی سەحدکرە دوکێڵێ و گوت.
باوەرکە هەکە خو تویێ بتنێ بی ژی.
روژا دویفدا, دەمێ پوپل گەهشتیە جهێ دیتنا وان یێ هەر جار, هەر ئەو بێهنە جارەکا دی ژێدهات.
وهەروەسا روژا دویفدا, و روژا دویفدا.
پوپل هەر بێهنا نەخوش ژتە دهێت خو ئەم چەند تە بشوین ژی.
لوبیشتی دفنا خو گرت و گوت بێهنا تە گەلەکا نەخوشە, بەلێ هەر ئەوی هەروژ پوپل دشیشت.
روژەکێ,
پوپل گەلەک جیاواز یێ دیاربوو.
تە خێرە پوپل؟ چ چێبوویە؟
ئەو گلێشێ د گوهێ چەپێ یێ پوپلی دا کەتبوو.
ئەو دبێژن کو ئەز باژێری پیس دکەم.
تە گوهـ لمن هەیە؟
نە ئەز نەشێم چ تشتا گولێ ببم ب گوهێ خو یێ چەپێ, ئەز بێژم دەمێ گلێش ژ گوهێ من یێ چەپێ کەتی, من هەستێ گوهـ لێبونێ ب گوهێ خویێ چەپێ یێ ژ دەستدای.
ئەنتونیو و تیما خو یا وەکری, مانە؟ چ شەرمزارییە.
ئەو نەشێن دهاریکار بن مانێ ئەز درندە مە.
روژا دویفدا لوبیتشی کەتە دناڤ دەستێت ئەنتونیوی و تیما وی دا.
ها لوبیتشی, پەرسیڤ یا هاتیە دەنیزی.
ب ئاشکەرایی ئەو میکروبێت زەلامێ گلێشی نە.
پوپل هەروژ سەرێ خو دشوت, وی میکروب نین.
چەند درەوەکا مەزنە, دهی ژی بێهنەکا گەلەکا نەخوش ژ زەلامێ گلێشی دهات.
تو و خێزانا خو ددرەوینن.
دراستی دا هەر ئەو چەند سەرێ خو بشوت ژی, هەر بێهنا لەشێ پوپلی ل روژا دویفدا نەخوش دبیت.
لوبیتشی چ بەرسڤ نەبوون.
هەرچەوا بیت تو بوچی یاریا دگەل زەلامێ گلێشی دکەی, یا دناڤبەرا رێزان دا بخوینە. پێدڤیە تو دگەل مە بی.
دەمێ لوبیتشی هێدی هێدی دچوو مال, پوپل دیاربوو.
ها لوبیتشی دا بچین یاریا بکەین.
جارەکا دی بێهنا نەخوشا ژتە دهێت, ئەڤرو هەڤالێن من ل قوتابخانێ ژبەر تە نەخوشی بومن چێکرن.
ژبەربێهنا لەشێ تە یا نەخوش, یا بێ مفایە ئەم چەند بشوین.
لمن ببورە لوبیتشی.
ئەز نەشێم زێدەتر تە ببینم و ئەز ژ ئەڤرو وێڤە یاریا ژی دگەل تە ناکەم.
و پشتی هینگێ هەردوو راوەستیان و سەحکرنە ئێک و دوو.
پشتی پوپلی یاری دگەل لوبیتشی نەکرین, وی سەرێ خو نە شیشت و پیس تر لێهات.
مێش ل دەوروبەرێت وی کومبوون, و ئەو گەلەک پیس تر لێهات و بێهنا وی نەخوش تر لێهات.
ناڤ و دەنگێ پوپلی خراپتر لێدهات.
کەس ئێدی نێزیکی پوپلی نەبوو.
د شەڤەکا بێدەنگ دا.
کەسەکی ل پەنجەرا لوبیتشی دا.
دەمێ لوبیتشی سەحکریە پەنجەرێ پوپل ل وێرێ بوو ب زەحمەت نیاسی.
لەشێ وی رەش ببوو ژ پیساتیێ, و دەستەکێ خو ژ دەست دا بوو.
چ پێ نەڤێت ئەنتونیو و تیما خو جارەکا دی ئەڤە یا کری.
لوبیتشی بلەز پەنجەر ڤەکر.
تە خێرە پوپل؟ لسەر مە پێدڤی نینە ئەم……
وەرە دا بچین.. .
ئەڤە تو چ دبێژی؟
لوبیتشی وەرە دا بچین.
خولەکەکێ, چ چێبویە؟
پێدڤیە ئەم لەزێ بکەین بەری ئەو ژیانا من ژناڤ ببەن.
ئەم دێ کیڤە چین؟
پێدڤیە لسەر مە ئەم لەزێ بکەین, لەورا دا لەزێ بکەین.
ئەو گەهشتنە کەنارەکێ رەملی کو کەس چ جارا ناچیتە وێرێ.
دا بچین لوبیتشی خو ب هەلاڤێژە.
ئەڤە تو چ دبێژی؟ ئەڤ پاپورە یا ژ کەستیە ناچیتە چ جهان.
پوپلی گوهداریا لوبیتشی نەکر, و وی دەستەکێ بالونا ژ بەریکا خو ئینا دەر.
وی بالون پف دان.
هوف پوف, هوف پوف.
ئەرێ پوپل تو چدکەی؟
هوف پوف, هوف پوف.
پێدڤیە ئەم لەزێ بکەین بەری ئەو ژیانا من ژناڤ ببەن.
پاشی پوپلی بالونێت پڤدای ئێک لدیف ئێکێ ب بەلەمێ ڤە گرێدان.
ب سەدان بالون ب بەلەمێڤە هاتنە گرێدان.
دا بچین لوبیتشی.
بو کیڤە…..؟
بو سەر دوکێلێ دا .
پوپلی گوت دەمێ وی وەریسێ پاپورێ ڤەدکر.
دا بچین سەحکەینە ستێرا.
پاپورا ب بالون ژ سەر ئەردی رابوهێدی هێدی هەتا گەهشتیە ئاسمانی.
ئەرێ تو یێ پشت راستی ئەڤە یا درستە؟
جارا ئێکێ بوو لوبیتشی باژێری ل ڤێ بلنداهیێ ببینیت.
دیمەنێ باژێری یێ شەڤێ گەلەکێ جوان بوو.
باشە, هەناسا خو بگرە, چنە مایە ئەم دێ گەهینە ناڤ دوکێلێ.
دەنگێ هەوای بلند بوو.
ئەو نەشیان خو تشتەکی ببینین دناڤ دوکێلێ دا, بتنێ تاریاتی بوو.
شیا دەنگێ پوپلی دناڤ بر برا هەوایدا گوهـ لێببیت.
لوبیتشی خو لاو بگرە.
ئەو چەند بلند تر لێدهاتن هەوا بهێز تر لێدهات.
لوبیتشی چاڤێت خو نە گرە سەحکە سەری, چنە مایە ئەم دێ ژناڤ دوکێلێ دەرکەڤین.
دەنگێ هەوای بلند و بلند تر لێهات (بر برا هەوای).
بابێ من درەو نە دکرن.
ئەو جهێ یێ تژی بو ژ خالێن روناهیێ کو نە دهاتنە هژمارتن.
پشتی بو دەمەکی سەحکریە روناهیێ, پوپلی هێدی گوت.
دەمێ تو دزڤری, بتنێ یا پێدڤی ئەوە تو بالونا ژ پاپورێ ڤەکەی, بەلێ تو نەشێی هەمیا ب ئێک جار ژێڤەکەی.
ئەگەر تو هەمیا ب جارەکێ ژێڤەکەی پاپور دێ کەڤیت, لەورا ئیک لدویف ئێکێ .. ئێک لدویف ئێکێ.
پوپل ئەڤە تو چ دبێژی؟ ئەم دێ پێکڤە زڤرین, مانە؟
بتنێ هەتا ڤێرێ ئەز دشێم دگەل تە بم.
راستی ئەز گەلەکێ کەیفخوشم کو ئەز شیام دگەلتە سەحکەمە ستێران.
مەبەستا تە چیە؟ دا پێکڤە بزڤرین؟
لوبیتشی تو دزانی, ئەز ل وێ رستکێ دگەریام یا تە بەرزەکری.
گلێشێ وێ سولینێ ل دوماهیا کارگەها دوبارە ب کارئینانا بەرمایکان دراوەستیت.
لەورا من هزردکر کو دێ ل وێرێ بیت.
ئەز زەلامێ گلێشی مە, ئەز یێ ژ کوما گلێشی دروست بوویم, لەورا ئەزێ فێرم ل ناڤ گلێشی بگەریێم.
ژ وێ روژێ وەرە ئەز لێدگەریام, بەلێ من نە دیت.
من هزرکر کو بتنێ دێ د دەهـ روژان دا بینم.
ژبەر هندێ هەر لەشێ تە ….. پوپل ئەز گەلەکێ رەق بووم دگەل تە.
نە یا گرنگە, دەمێ بو جارا ئێکێ تە دگەل من ئاخفتی.
من بریاردا هەمی دەما هەڤالێ تە بم, خو چەوا بیت.
روندک ژ چاڤێن لوبیتشی هاتنە خوارێ.
هەر چاوا بیت رستک ل دوماهیا کارگەها دوبارە ب کارئینانا بەرمایکان نە بوو.
ئەز یێ بێ عاقل بووم.
پێدڤی بوو من زانیبا دەمێ تە گوتیە من کو بێهنا تە یا بەرنیاسە.
پوپلی ئەو سێوانا کەڤن ڤەکر, ئەوا کو سەرێ وی.
هەمی دەما لڤێرێ بوو.
رستکا زیڤی دناڤ سێوانێ دا یا هەلاویستی بوو.
ئەو رستکا تە لێدگەریا ئەڤە یا لڤێرێ, مێشکێ من بوو.
ئەڤە ئەو بێهنا بەرنیاس بوو.
دەمێ گلێش ژ گوهێ من یێ چەپێ کەتی, زێدەتر من نەشیا ب گوهـێ خویێ چەپێ گوهـ ل چ تشتیا بم.
هەر ب هەمان شێوە ئەگەر من ئەڤ رستکە ژی ژ دەستت دابا ئەز نە دشیام بلڤم.
رستک یا تەیە. ئەو دەمێ من د گەل تە بوراندی.
ب راستی ئەز گەلەک کەیفخوش بووم, لوبیتشی سوپاس بوتە. بخاترا تە.
و ل وی دەمی پوپلی دەستێ خو بلند کر دا رستکێ بینیتە خار, لێ پاشی…. .
نەخێر!
لوبیتشی دەستێ پوپلی گرت.
لوبیتشی تو چ دکەی؟ ئەڤ رستکە یا تەیە.
خو ئەگەر من هەلگرت ژی, روژەکێ دێ ئەنتونیو و تیما خو ژمن دزن.
و بڤێ رێکێ دێ ب راستی بەرزە بیت.
پشتی هینگێ چ جارا تو نە شیێ جارەکا دی وینێ بابێ خو ببینی.
ئەم دشێین پێکڤە ب رەڤین.
لوبیتشی خو بێ رامان نەکە, ئەگەر تو دیتی دگەل من..
پاشی رەنگە ئەو تە بێشینن.
یا گرنگ نینە, ئەم دێ پێکڤە پشکداریێ د ئێشانێ دا کەین, مە ئێک و دوو یا هەی.
پوپل دا هەروژ ئێک و دوو ببینین, بڤێ رێکێ دێ شێم هەردەم وێنێ بابێ خو بینم.
لەورا دا هەروژ ئێک دوو ببینین و یاریا بکەین, وەکی مە هەروژ دکرن.
روندک ژ چاڤێن زەلامێ گلێشی هاتنە خوارێ.
یاریکرن دگەل لوبیتشی هەروژ… هەستەکێ گەلەکێ جیاواز بوو کو دێ بو ماوەیەکێ درێژ دگەل من مینیت.
پوپل ستێر گەلەک دجوانن, سوپاس کو تە ئەز ئینایمە ڤێرێ.
ئەز گەلەکێ کەیفخوشم کو من و دیتی.
پوپل ژ شەرمادا سور بوو و گوت.
لوبیتشی راوەستە تو من ل شەرمێ ددەی.
پاشی وی ب تبلا خو یا شەهدێ بن دفنا خو خوراند.
پوپل گەلەک دەم پێڤە بووری هەتا کو من زانی. بێگومان….بێگومان!.
هالوین ئەو روژە یا کو روحا مریا دزڤریتەڤە.
لوبیتشی تو بەحسێ چ دکەی؟.
نوکە من تو نیاسی ئەی پوپلێ هالوینێ.
باب تو هات بووی من ببینی .
دوماهیک.
Illustrator, Writer, Director: AKIHIRO NISHINO
Translator: Sozdar Omer Abdulaziz.
【amazon】
『PoupeIIe Of ChimneyTown』